L’ENTAMU DEL FIN DE LA VOZ D’ASTURIES
El Grupo Zeta dexa a 40 trabayadores na cai nun ERE.
08/02/10
L’añu pasáu 15 trabayadores del diaríu asturianu La Voz d’Asturies llevaron a xuicíu al Grupu Zeta pa algamar un contratu. Estos redautores y fotógrafos ganaron el xuicíu y el recurso de la empresa ante’l TSXA. Fai unos dies estos 15 trabayadores y 25 más foron despidios nel ERE plantegáu pol Grupu Zeta al mercalu’l diaríu Público.
A partir del 1 de Febreru, La Voz d’Asturies viendese xunto col diaríu Público, siendo esta una delegación Norte del grupo Mediapro, onde pertenez Público. 40 de los 66 trabayadores foron despidios, ente ellos los redautores-xefes y xefes de seición colo que pue dicise que La Voz d’Asturies fino la so esistencia’l pasáu 04 de febreru del 2010, pasando a depender d’un diaríu foriatu y ayeno a los intereses d’Asturies.
La Voz d’Asturies definitivamente va perder la so autonomía, anque Público sorrayo que caltendra la so cabecera inalterable.
Los trabayadores que ganaron la demanda al Grupu Zeta quexanse de que la so demanda fora utilizada pa xustificar l’ERE, anque la realidá paez que vien de la precaría situación económica de la so cabecera (perdió un millón y mediu d’euros nel 2009) fizo que’l Grupu Zeta se desinteresara del diaríu asturianu, enantes d’intentar recuperalu.
Dende Aruelu.com solidarizamosnos colos compañeros de profesión. Los trabayadores de La Voz d’Asturies abrieron un espacíu Facebook onde se pue mostrar el so sofitu y cunta con más de 1.400 amig@s.
