Amesta’l to blog n’asturianu na Canal Blogues d’Aruelu.com

Yá va más d’un añu qu’entamó aruelu.com, proyeutu dixital independiente que ñaz de la xuntanza ente diferentes blogueros y persones a titulu individual. Agora queremos enanchar el nuesu espacíu dedicáu a los blogues n’asturianu debío a la bayura de medios dixitales que tán normalizando la nuesa llingua na rede de redes.

Yá lo adelantamos n’otra noticia, l’asturianu sigue medrando nes redes dixitales y n’aruelu.com queremos ufiertar a los blogues que-yos preste’l nuesu espacíu col enfotu en que les páxines seyan más conocies y la blogosfera asturiano medre enforma en númberu d’usuarios.

P’apuntate al separtáu Blogues d’aruelu.com ye mui cenciello, tan solo tienes de mandanos un e-mail al nuesu corréu info@aruelu.com indicando’l nome del to blog y la so dirección RSS. Al pocu tiempu amestaremos el to blog na nuesa Canal Blogues.